Мектебіміздің үздік педагогі Назкуль Сағынбекқызы Білім және ғылым министрлігінің Ыбырай Алтынсарин төсбелгісімен марапатталды

"Білім беру жүйесі: 2020-2021 оқу жылындағы ерекшеліктер" тақырыбында өткен аудандық тамыз кеңесіне аудан әкімі Рүстем Рысбайұлы Дәулетов, аудандық маслихат хатшысы, Нұр-Отан партиясы төрағасының орынбасарлары, кәсіподақ ұйымы және білім беру ұйымдарының басшылары, педагогтар қатысты. Бұл жиында алдағы оқу жылының жаңашылдықтары мен ерекшеліктері айтылды. Тамыз кеңесінің 2-бөлімінде үүздік педагогтарды Білім және ғылым министрлігінің құрмет грамоталарымен марапатталды.Соның ішінде мектебіміздің ардагер ұстазы Алтаева Назкуль Сағынбековнаның көп жылғы ұстаздық еңбегін бағалап Білім және ғылым министрлігінің "Ыбырай Алтынсарин" төсбелгісімен марапатталды.Сондай - ақ үздік мектеп деп танылған үштікке ілініп мектебіміз 150 000 теңгелік сертификатты және бағалы сыйлықты иеленді.